Plantun de Prouvènço

Pèr coumpara dos planto d'encò nostre

Echium calycinum & Mentha suaveolens

Echium calycinum

Boraginaceae

Nom en français : Vipérine à calice persistant.

Descripcioun :
Aquelo suçamèlo trachis dins li tepiero e li roucaio trepado proche de la mar. Es uno planto basso en rouseto la proumiero annado e que trachis un pau mai la segoundo. Li flour soun pelouso, roso-vióuleto à la debuto, pièi bluio après. Li sepalo countunion de crèisse un cop la flour passido, ço que i'a douna soun noum.

Usanço :
Couneissèn pas d'usanço particuliero pèr aquelo planto. Li flour soun bessai bono à suça coume pèr sa cousino. Escriéure au site se n'en sabès mai.

Port : Erbo
Taio : 3 à 20 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Echium
Famiho : Boraginaceae

Ordre : Ordre pas nouma

Coulour de la flour : Vióuleto
Petalo : irreguliero
Ø (o loungour) flour : 4 à 8 mm
Flourido : Printèms

Sòu : Ca
Autour basso e auto : 0 à 50 m
Aparado : Noun
Remarco : Planto de coustiero
Febrié à mai

Liò : Pelouso - Roucaio - Trepadou - Mar
Estànci : Termoumediterran à Mesoumediterran
Couroulougi : Estenoumediterrano
Ref. sc. : Echium calycinum Viv., 1804

Mentastre

Mentha suaveolens

Lamiaceae Labiaceae

Àutri noum : Baume-fèr, Mento-sóuvajo.

Noms en français : Menthe à feuilles rondes, Menthe odorante.

Descripcioun :
Lou mentastre es uno mento coumuno dins quàsi touto la Prouvènço. Se recounèis à sis lònguis espigo de flour blanco que viron au brun e peréu à si fueio quasimen redouno e goufrado.

Usanço :
Coume tóuti li mento, èi manjadis cru (ensalado, soupo, dessert, bevendo..) o en tisano. Ei counseia de pas trop faire caufa la tisano de mentastre que soun essènci èi voulatiéu. La mento èi vertuouso pèr digeri, sougna li plago e pèr faire fugi la tavaniho.